Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Gerddi Dunraven ar fap
Yn sgil cynllun adfywio gwerth £99,000, mae Gerddi Muriog Dunraven yn Southerndown wedi cael eu hadfer i genedlaethau’r dyfodol eu mwynhau.
Cyngor Bro Morgannwg, mewn partneriaeth ag Ystâd Dunraven, fu’n gyfrifol am wneud y gwaith atgyweirio sylweddol a ddigwyddodd rhwng mis Gorffennaf a mis Tachwedd 2013. Agorwyd yr ardd ar ei newydd wedd gan y Fonesig Dunraven a’r Fonesig Ana o Ystâd Dunraven ar 22 Tachwedd 2013.
Mae muriau’r gerddi’n gofrestredig, ac mae’r gerddi eu hunain wedi eu cofnodi fel Gradd II yng Nghofrestr Tirluniau, Parciau a Gerddi o Ddiddordeb Hanesyddol Arbennig CADW.
Adeiladwyd strwythur newydd ar do’r tŷ haf, a hynny dros ffelt bitwmen, sy’n cynnig gofod clwydo i ystlumod lleiaf.
Mae cwpanau gwenoliaid wedi cael eu gosod tua brig y mur cefn er mwyn darparu elfennau ychwanegol o ddiddordeb o ran bioamrywiaeth.