Credyd Pensiwn

Mae'n bosib y byddwch yn gymwys i hawlio Credyd Pensiwn os ydych chi dros oedran pensiwn y wladwriaeth. Mae'n bosib y byddwch yn gymwys i gael ychwanegiad i’ch incwm wythnosol fel eich bod yn derbyn £218.15 yr wythnos fel person sengl a £332.95 fel cwpl.

Mae dwy ran i Gredyd Pensiwn:

Credyd Gwarant      

Ychwanegiad i’ch incwm wythnosol fel eich bod yn derbyn yr isafswm.

Credyd Cynilion

Ychydig o arian ychwanegol os oes gennych gynilion neu os yw eich incwm yn uwch na Phensiwn y Wladwriaeth sylfaenol.

Efallai y byddwch yn gymwys am un neu'r ddwy ran.

Yn ogystal ag incwm ychwanegol, mae'r taliad yn datgloi ystod o hawliau eraill i'r rhai sy'n gymwys, gan gynnwys:

• Gostyngiadau’r Dreth Gyngor

• Help gyda chostau tai

• Triniaeth ddeintyddol am ddim gan y GIG

• Help tuag at gost sbectol

• Help tuag at gostau trafnidiaeth i’r ysbyty

• Taliadau tywydd oer

• Trwyddedau teledu am ddim i bobl dros 75 oed

Efallai y byddwch hefyd yn gymwys i gael hawliau ariannol ychwanegol gan gynnwys Ychwanegiad Gofalwr ac Ychwanegiad Anabledd Difrifol.

Does gennych chi ddim byd i'w golli drwy wneud cais, a hyd yn oed os ydych chi wedi cael eich gwrthod o'r blaen, mae bob amser yn werth gwneud cais newydd bob blwyddyn.  Mae cyfraddau budd-daliadau yn newid bob blwyddyn, yn ogystal â'ch cyllid.