Cyngor Bro Morgannwg
Vale of Glamorgan Council
Cost of Living Support Icon
​

Asesiad Gofalwr Cynhwysfawr

Bydd Asesiad Anghenion Gofalwyr yn edrych ar ba gymorth sydd ei angen arnoch fel gofalwr di-dâl, p'un a ydych yn barod neu'n gallu parhau i ofalu, yr hyn rydych am ei gyflawni mewn bywyd ac a ydych yn gymwys i gael help gan y gwasanaethau cymdeithasol, neu y gellir diwallu eich anghenion drwy ddarparu gwybodaeth, cyngor ac arweiniad.

 

Nid yw Asesiad Anghenion Gofalwyr yn gwirio i weld sut neu pam rydych yn gofalu. Mae'n ystyried cryfderau personol a’r cymorth sydd ar gael gan aelodau o'r teulu, ffrindiau ac eraill yn y gymuned. Bydd hefyd yn ystyried a ydych chi'n gweithio neu'n dymuno gweithio, ac a ydych chi am gymryd rhan mewn addysg, hyfforddiant neu weithgareddau hamdden. 

 

Mae darganfod beth yw anghenion person yn dechrau gyda sgwrs.  Yn ystod y sgwrs hon, byddwn yn gofyn beth sy'n bwysig i chi. 

 

Byddwn yn gofyn i chi:

  • am eich amgylchiadau
  • Canlyniadau Personol a rhwystrau i gyflawni'r canlyniadau hynny
  • unrhyw risgiau i chi neu i bobl eraill
  • a'ch cryfderau a'ch galluoedd

 

Byddwn hefyd yn gofyn i chi am y cymorth rydych chi'n ei gael eisoes, a byddwn yn siarad am ble y gallwch gael gafael ar y cymorth sydd ei angen arnoch. 

Gofalwyr Cymru - Canllaw Hawdd i'w Deall i Asesiadau yng Nghymru

Eich canllaw i asesiadau i chi'ch hun a'r bobl rydych yn gofalu amdanynt

Canllaw Hawdd ei Ddeall

 

Gofalwyr sy'n oedolion yn siarad am fanteision derbyn asesiad gofalwr isod: 

 

Cymhwystra ar gyfer cymorth gan y gwasanaethau cymdeithasol

 

Mae yna feini prawf cymhwystra cenedlaethol ar gyfer gofal a chymorth i oedolion, plant a gofalwyr.  Mae 4 maen prawf y mae'n rhaid eu bodloni er mwyn i’r angen fod yn gymwys.  Mae tabl meini prawf ar gyfer oedolion, gofalwyr a phlant.  Mae hawl awtomatig i gymhwystra i’r rheiny sydd mewn perygl o gael eu cam-drin neu eu hesgeuluso.

  • Rhoddir cymhwystra i angen nid i berson ac nid yw'n ymwneud â hawl i wasanaeth.

  • Caiff ei gymhwyso i warantu mynediad at ofal a chymorth i'r rheiny na allant gyflawni eu deilliannau personol hebddo.  

  • Bydd rhai anghenion efallai’n cael eu diwallu drwy gynllun gofal a chymorth, ac eraill drwy fynediad at wasanaethau cymunedol. 

  • Gallai gwasanaethau cymunedol gynnwys y rhai a ddarperir gan sefydliadau’r sector cyhoeddus, preifat, a’r 3ydd sector, yn ogystal â grwpiau cymunedol, teulu a ffrindiau. 

  • Os na all darparu gofal a chymorth helpu’r unigolyn i gyflawni ei ddeilliannau, ni fydd cymhwystra yn berthnasol. 

 

   

 

Bydd Asesiad yn caniatáu i chi wneud yr isod:

  • Ystyried eich anghenion eich hun
  • Meddwl am effaith gofalu ar eich llesiant
  • Siarad yn gyfrinachol â rhywun sy’n deall eich sefyllfa
  • Cael clust barod i wrando
  • Ystyried a allwch chi barhau i ddarparu gofal a pha ddewisiadau sydd gennych
  • Trafod y lefel o gefnogaeth rydych chi'n ei ystyried yn bwysig i gyflawni eich swyddogaeth gan gynnal eich iechyd a'ch llesiant eich hun

Ymgeisio am Asesiad Cynhalydd

Os ydych chi’n gynhalydd, mae gennych hawl i dderbyn asesiad.

 

I wneud cais am asesiad cynhalydd, cysylltwch â’n Canolfan Gyswllt:

 

Neges destun: C1V wedyn eich neges i 60066

 

 

 

Gofyn am Asesiad Rhiant-Ofalwr

Os ydych yn rhiant ofalwr i blentyn anabl, mae gennych hawl i gael asesiad

 

Ymgeisio am Asesiad Cynhalydd Ifanc

Ar gyfer asesiadau cynhalwyr ifanc (o dan 18 oed).

 

Linell Gyngor Teuluoedd yn Gyntaf y Fro: 

  • 0800 0327 322