Busnes 2 Busnes yn y Fro

Mae rhwydweithio yn ffordd wych o hyrwyddo eich busnes, dysgu sgiliau newydd a chwrdd â busnesau eraill ond lle i ddechrau?

Mae llawer o grwpiau rhwydweithio a chyfleoedd gwahanol iawn yn amrywio o ddigwyddiadau am ddim neu aelodaeth i filoedd y flwyddyn i fanteisio ar amrywiaeth o gefnogaeth a digwyddiadau. Sut ydych chi’n gwybod beth sy’n iawn i chi?

1. Ystyriwch eich rhesymau dros ymuno

Ydych chi eisiau cwrdd â chleientiaid arfaethedig yn uniongyrchol? Ydych chi eisiau cwrdd ag atgyfeirwyr neu gydweithwyr arfaethedig? Ydych chi eisiau cwrdd â chyflenwyr neu ddosbarthwyr? Ydych chi eisiau gweld eich cystadleuaeth? Neu efallai taw eich prif reswm dros fynychu yw’r elfen gymdeithasol? Ceir sefydliadau B2B o bob math a maint gyda phobl wahanol, felly bydd diffinio eich angen yn eich helpu i ddewis yn y lle cyntaf.

2. Rhoi Cynnig Arni Cyn Prynu!

Mae nifer o sefydliadau B2B yn gofyn i chi ymuno a thalu ffi aelodaeth blynyddol - fodd bynnag mae'n werth mynychu rhai i gael blas arnynt cyn ymuno! Bydd y mwyafrif yn caniatáu i chi gael blas drwy fynd i un sesiwn am ddim. Mae sawl gwahanol ffordd o rwydweithio ac mae’r cynigion yn amrywio, ond mae’n debyg y bydd rhywbeth a fydd yn fwy addas i chi. Mae hyn hefyd yn rhoi cyfle i chi weld beth mae’r gwahanol becynnau cymorth yn eu cynnig a beth fyddech chi’n elwa ohono fwyaf. Cofiwch eich bod chi yno i wella eich busnes - sicrhewch eich bod yn defnyddio eich amser yn gall!

Rhai pethau pwysig i'w hystyried:

Beth yw cost yr aelodaeth? Oes rhaid i mi dalu am ddigwyddiadau hefyd?
Ydw i'n gwybod am unrhyw un sydd wedi mynychu grwpiau rhwydweithio?
Ydyn nhw’n cynnig hyrwyddo eich busnes yn eu cynnig?
Faint o bobl sydd fel arfer yn mynychu?
Ydy’r ffocws ar-lein neu ar gwrdd wyneb yn wyneb?

<<Dychwelyd i'r Dudalen Cymorth Busnes