Gweithdai ac Unedau Dechreuol

Mae Cyngor Bro Morgannwg yn helpu busnesau lleol mewn sawl ffordd. Un o’r rhain yw drwy gynnig unedau gweithdy ar gyfer busnesau newydd a busnesau bach.

Canolfan Gwasanaeth Busnes (CGB)

Ardal Arloesi, Heol Hood, Y Barri, CF62 5QN

Y CGB yw canolfan y Cyngor ar gyfer darparu unedau swyddfa a gweithdai i fusnesau newydd, busnesau lleol sy’n ehangu'n gyflym a mewnfuddsoddwyr.

Mae wedi’i lleoli yn Ardal Arloesi Glannau’r Barri, ger y Tŷ Pwmpio a Chanolfan Feddygol Cei’r Gorllewin.

Mae yna wyth gweithdy o 48 a 97 metr sgwâr (523 a 1045 troedfedd sgwâr) a 15 swyddfa o 21 a 43 metr sgwâr (226 a 463 troedfedd sgwâr).

Mae ystafell gyfarfod a gofod ymlacio ynghyd â chyfleusterau cegin ar gael i denantiaid. BSC - inside images

Unedau sydd ar gael

Unedau Storio Glan Môr

Dwnrhefn, Southerndown

Gweld ar Fap

Cafodd pum uned eu creu ger y Ganolfan Ymwelwyr yr Arfordir Treftadaeth ym Mae Dwnrhefn i annog darparwyr gweithgareddau traeth lleol a mentrau glan môr i ddefnyddio Arfordir Treftadaeth Morgannwg fel lleoliad ar gyfer eu busnes. Mae’n rhaid i fusnesau sydd â diddordeb gyfrannu at dwristiaeth glan môr. Mae’r unedau bellach ar gael i’w llogi mewn dau faint ac maent yn cynnig lleoliad glan môr unigryw ar gyfer busnesau yn yr ardal.

3 x uned 6.8m (H) x 1.8m (Ll)

2 x uned 5.1m (H) x 1.8m (Ll)

Nodyn: Mae'r unedau ar gyfer storio yn unig ac nid oes ganddynt unrhyw bŵer, dŵr neuoleuadau.

Ymweld â’r safle

Os hoffech gael rhagor o wybodaeth neu drefnu i ymweld â’r safle, cysylltwch â:

01446 704857
businessunits@valeofglamorgan.gov.uk

Eiddo Masnachol Gwag

Ydych chi'n chwilio am eiddo masnachol gwag ym Mro Morgannwg ar gyfer eich busnes? Mae gan ein cronfa ddata eiddo y rhestrau diweddaraf o dir ac eiddo sydd ar gael ar hyn o bryd ym Mro Morgannwg.

Am fwy o wybodaeth