Enghreifftiau o fuddion cymunedol a ddarperir ym Mand A 

Mae’r buddion cymunedol a ddarperir dan Fand A y Rhaglen Cymunedau Dysgu Cynaliadwy eisoes wedi cyfrannu at ddatblygiad cynaliadwy Bro Morgannwg drwy gefnogi gwelliannau mewn lles economaidd, cymdeithasol ac amgylcheddol. Mae rhai o'r canlyniadau fel a ganlyn: 

• Gwerth dros £12,000 o sesiynau ymgysylltu gydag ysgolion, gan alluogi plant i ddysgu am fyd cyffrous adeiladu

• Gwerth 15,637 wythnos o gyflogaeth, prentisiaethau a hyfforddiant i newydd-ddyfodiaid, gan helpu mwy o bobl i fyd gwaith

• Cefnogwyd sefydliadau lleol gydag offer neu lafur, gan greu mannau cymunedol gwell

Buddion cymunedol a ddarparwyd hyd yn hyn ym Mand B

Penodwyd contractwyr ar gyfer cynllun Cymuned Ddysgu Uwchradd Y Barri (CDdUB) ac ar gyfer cynllun Ysgol Gynradd Gorllewin y Fro (YGGF) yn 2020, ac mae buddion cymunedol yn cael eu darparu ochr yn ochr â gwaith adeiladu. Mae'r contractwyr a benodwyd ar gyfer Darpariaeth Gynradd y Bont-faen a Derw Newydd, a elwid gynt yn gynlluniau Canolfan Dysgu a Lles (CDLl) hefyd wedi bod yn cyfrannu at fuddion cymunedol ehangach. Am fwy o wybodaeth am y cynlluniau hyn, ewch i'r brif dudalen Cymunedau Dysgu Cynaliadwy. 

Rhwng mis Ionawr 2019 a mis Medi 2021, mae’r rhaglen wedi darparu:

• Dros 13,226 o wythnosau y pen o Swyddi i Newydd-Ddyfodiaid

• Dros 7,677 o wythnosau y pen o Hyfforddiant i Newydd-Ddyfodiaid

• Dros 12,082 awr o ddigwyddiadau STEM mewn ysgolion

• 35 o ddigwyddiadau ymgysylltu â’r gadwyn gyflenwi

• 82% o wariant ar adeiladu yng Nghymru (ar gyfartaledd)

• 85% o isgontractwyr wedi eu lleoli yng Nghymru

• 50% o’r gweithlu yn dod o’r cod post lleol